Cyfweliad grŵp o fyfyrwyr Astudiaethau Cyfryngau Blwyddyn 13 â’r cyfarwyddwr Jamie Weston a’r actores Carla Fraser ynglŷn â’u ffilm fer, ‘Wings’, fel rhan o Ŵyl Ffilm Gwobr Iris.

Yn ddiweddar, cyfwelodd grŵp o fyfyrwyr Astudiaethau Cyfryngau Blwyddyn 13 (Niamh Buckland, Caoimhe Reynolds, Celyn Nicholson, Ela Morris, Tash Hermann, Tomos Allen-Evans a Madeleine Lyle) â’r cyfarwyddwr Jamie Weston a’r actores Carla Fraser ar Microsoft Teams ynglŷn â’u ffilm fer, ‘Wings’, fel rhan o Ŵyl Ffilm Gwobr Iris. Cafodd darnau o’r cyfweliad eu darlledu’n fyw o wefan Iris ar ddydd Mercher 7fed Hydref.

Mae ‘Wings’, ynghyd â thair ffilm arall sy’n canolbwyntio ar faterion LHDTC+, wedi cyrraedd rhestr fer Gwobr Ieuenctid Gwobr Iris. Bydd y ffilmiau ar gael i’w gwylio ar https://www.irisprize.org o’r 6ed Hydref a bydd yr enillydd yn derbyn £30,000 i wneud eu ffilm fer nesaf.